Barselona”nın sabiq prezidenti azadlığa buraxıldı
ESTAFET/ İspaniyanın “Barselona” klubunun sabiq prezidenti Xosep Bartomeu azadlığa buraxılıb. Bu barədə qərarı İspaniya məhkəməsi verib.
Martın 1-də klubun ofisindəki əməliyyat zamanı saxlanılan Bartomeu və məsləhətçisi Jaume Masferrer məhkəmə qarşısına şübhəli qismində çıxıb. Onlar 2020-ci ilin mayında açılan biznesdə korrupsiya işi ilə bağlı dindirilsə də, hər iki şəxs ifadə verməmək hüququndan yararlanıb. Məhkəmə onları müvəqqəti azad etməyə qərar verib.
