"ÜMİD EDİRƏM Kİ, SEVİNƏN BİZ OLACAĞIQ" - POZDNYAKOV
ESTAFET/ "Tour d`Azerbaidjan 2017" veloturunun 4-cü mərhələsinin yekunlarına həsr olunmuş mətbuat konfransında "Synergy Baku" komandasının üzvü, rus legioner Kirill Pozdnyakov ümumi qələbəsinə inandığını qeyd edib.
"Komandam dünən olduğu kimi, bu gün də mənim qələbəm üçün əlindən gələni etdi. Velosiped idman növündə əvvəlcədən nəyisə planlaşdırmaq olmur. Ümid edirəm ki, sabah bəxtimiz gətirəcək və sevinən tərəf biz olacağıq. Ağsu aşırımı isə kifayət qədər maraqlı oldu, çünki oranın olduqca gözəl təbiəti var".
