ESTAFET/ UEFA-nın media tərəfdaşı olan Beynəlxalq İdman Mətbuatı Assosiasiyasının (AIPS) üzvü və ölkəmizdəki rəsmi təmsilçisi - Azərbaycan İdman Jurnalistləri Assosiasiyası (AİJA) inSportPress və RS Academy ilə birgə Bakının da ev sahibliyi edəcəyi futbol üzrə Avropa çempionatı ərəfəsində KİV nümayəndələri üçün ödənişsiz onlayn ingilis dili kursuna start verir. 

Məqsəd jurnalistlərimizin Avropa çempionatına kimi ingilis dilində elementar səviyyədə danışmasına və anlamasına nail olmaqdır. Təlimlər "RS Academy"nin rəhbəri, IELTS mütəxəssisi Ramin Sayadov tərəfindən keçiriləcək.

Etopazın baş sponsorluğu ilə baş tutacaq ekspress kursa İdman TV, Estafet.az, Oxu.az, Qazet.az və Media.az informasiya dəstəyi verəcək.

Kursda iştirak etmək istəyənlər anar@aija.az elektron poçtuna və ya +994507656877 vatsap nömrəsinə yaza bilər. 

Qeydiyyat mayın 19-u, saat 19.00-da bitir.

Onlayn kurs mayın 19-u başlayacaq və həftənin tək günləri saat 21.00-da olacaq.

Yekunda iştirakçılara sertifikat veriləcək.