İddialara görə "Real"a bu şəxs rəhbərlik edəcək
ESTAFET/ “Real”ın yeni baş məşqçisinin adına aydınlıq gəlib. Bu iddia ilə İspaniyanın nüfuzlu “Marca” nəşri çıxış edib.
“Kral klubu”na yaxınlığı ilə bilinən qəzet Karlo Ançelottinin bu posta təyin olunacağını vurğulayıb. Bildirilir ki, 62 yaşlı italiyalı mütəxəssislə hərtərəfli razılıq əldə olunub. O, 2013-2015-ci illərdə madridlilərə rəhbərlik edib.
Qeyd edək ki, “Real” geridə qalan mövsümdə titul qazanmadığından, baş məşqçi Zinəddin Zidan istefa verib. (apasport.az)
