“Neftçi” Tallison Diası göndərdi
ESTAFET/ “Neftçi” daha bir futbolçu ilə yollarını ayırıb. Klubun rəsmi saytında verilən xəbərə görə, Azərbaycan çempionu müdafiəçi Tallison Diasla vidalaşıb.
30 yaşlı sol cinah oyunçusu ilə gələn ilin yayına qədər olan müqaviləyə qarşılıqlı razılaşma əsasında xitam verilib. O, “ağ-qaralar”a ötən ilin yayında “Quarani”dən keçib.
Qeyd edək ki, Tallison Dias 2020/21 mövsümündə “Neftçi”nin heyətində 22 oyunda iştirak edib.
