ESTAFET/ Futbol üzrə Azərbaycan Premyer Liqasında XXIII tura yekun vurulub. Bu gün turun son iki oyunu keçirilib. Hər iki qarşılaşmada paytaxt təmsilçiləri üz-üzə gəlib.

İlk oyun Zirə İdman Kompleksinin stadionunda olub. Eyniadlı qəsəbə təmsilçisi autsayder “Səbail”i sınağa çəkib. Rəşad Sadıqovun yetirmələri birinci hissədə vurduğu qollar sayəsində aktivinə növbəti 3 xalı yazdırıb. Hamidu Keyta 3 dəqiqə ərzində dubl edərək, komandasını qələbəyə daşıyıb. “Səbail”in gücü son saniyələrdə təsəlli topuna çatıb. Bu qalibiyyət sayəsində ən yaxın izləyicisi ilə xal fərqini 4-ə yüksəldən “Zirə” 3-cü pillədəki mövqeyini möhkəmlədib.

Tura mərkəzi oyunla yekun vurulub. Son çempion “Neftçi” “Sabah”ı qəbul edib. 2022-ci ildə yüksəlişdə olan iki komandanın duelində görüşün taleyini avtoqol həll edib. Matçın əvvəllərində “Sabah”ın müdafiəçisi Bəxtiyar Həsənalızadənin öz qapısından keçirdiyi top “Neftçi”yə 3 xal qazandırıb. “Sabah” bununla 4-cü pillədəki “Qəbələ”yə çatmaq şansını əldən verib.

Qeyd edək ki, turun dünən keçirilən ilk iki oyununda “Qəbələ” “Sumqayıt”la heç-heçə (1:1) edib, “Qarabağ” isə “Şamaxı”nın qapısından 8 cavabsız top keçirib.

Azərbaycan Premyer Liqası
XXIII tur
16 aprel 2022
18:15  “Zirə” – “Səbail”  2:1
Qollar: Hamidu Keyta 32, 34 (pen.) : Nikolas Raysel 90+4 (pen.)
Baş hakim: Əliyar Ağayev
“Zirə”: 1. Mehdi Cənnətov, 10. Ağabala Ramazanov (k), 2. Sertan Taşkın, 32. Qismət Alıyev, 91. Coşqun Diniyev, 44. Dmitrios Çantakias, 47. Mohamed Hamdaui, 9. Loris Broqno, 14. Hamidu Keyta, 99. Ahmed Ayzaya, 4. Cəlal Hüseynov
Ehtiyat oyunçular: 41. Anar Nəzirov, 22. Nail Alışov, 8. İlkin Muradov, 21. Hacıağa Hacılı, 15. Ruslan Abışov, 19. Təmkin Xəlilzadə, 18. Davit Volkov, 26. Nemanya Andelkoviç, 92. Brayan Alseus, 51. Rüstəm Nuruyev, 13. Ramin Əhmədov, 56. Samir Ağayev
Baş məşqçi: Rəşad Sadıqov
“Səbail”: 1. Rəşad Əzizli, 5. Adil Nağıyev, 7. Mirsayib Abbasov, 11. Rauf Əliyev (k), 6. Cabir Əmirli, 39. Tural Bayramlı, 33. Domantas Şimkus, 30. Camal Araqo, 32. Nikolas Raysel, 88. Elmir Tağıyev, 66. İbrahim Aslanlı
Ehtiyat oyunçular: 12. Hüseynəli Quliyev, 17. Elçin Rəhimli, 14. Rahid Əmirquliyev, 10. Cavid Tağıyev, 21. Məhəmməd Mirzəbəyov, 19. Ruslan Hacıyev, 77. Ədilxan Qarəhmədov, 38. Zeynəddin Abdurahmanov
Baş məşqçi: Aftandil Hacıyev
Zirə İdman Kompleksinin stadionu

20:30  “Neftçi” – “Sabah”  1:0
Qol: Bəxtiyar Həsənalızadə 5 (ö.q.)
Baş hakim: Kamal Umudlu
“Neftçi”: 1. İvan Brkiç, 26. Ömər Buludov, 8. Emin Mahmudov (k), 19. Azər Salahlı, 14. Eddi İsrafilov, 3. Mamadu Mbodj, 24. Yusuf Laval, 10. Sezar Meza Kolli, 91. Ramon Maçado, 7. Azər Əliyev, 27. Fərid Yusifli
Ehtiyat oyunçular: 12. Kamran İbrahimov, 93. Rza Cəfərov, 97. Xəyal Nəcəfov, 9. Tiaqo Bezerra, 77. Gilyerme Pato, 21. İsmayıl Zülfüqarlı, 37. Vüsal Əsgərov, 73. Ramin Nəsirli, 82. Rüfət Abbasov
Baş məşqçi: Samir Abasov
“Sabah”: 1. Səlahət Ağayev (k), 2. Amin Seydiyev, 10. Aleksey İsayev, 34. Bəxtiyar Həsənalızadə, 3. Zurab Oçiqava, 20. Coy-Lens Mikels, 17. Xuan Kamara, 7. Boyan Letiç, 73. Lukas Rangel, 18. Aleksey Kaşuk, 66. Abdulax Xaibulaev
Ehtiyat oyunçular: 94. Yusif İmanov, 97. Aleksandr Neçayev, 14. Slavik Alxasov, 9. Xulio Sezar Rodrigez, 26. Fofana Tiemoko, 24. Mixeil Erqemlidze, 55. Şpiro Periçiç, 15. Kristian da Silva, 99. Hiqor Qabriel, 21. İldar Alekperov, 29. Ceyhun Nuriyev, 33. Camal Cəfərov
Baş məşqçi: Murad Musayev
“Bakcell Arena”