Benzemanı Ronaldunun rekordundan 2 qol ayırır
ESTAFET/ “Real Madrid”in hücumçusu Kərim Benzema “Mançester Siti” ilə yarımfinalın cavab qarşılaşmasında (3:1) penaltidən fərqlənərək Çempionlar Liqasının cari mövsümündə 15-ci qoluna imza atıb.
Fransalı hücumçunu Kriştianu Ronaldunun rekordundan cəmi 2 qol ayırır. Belə ki, portuqaliyalı ulduz 2013/14 mövsümündə "Real Madrid"də çıxış edərkən Çempionlar Liqasında 17 qol vurub.
Qeyd edək ki, "Real Madrid" Çempionlar Liqasının finalında "Liverpul"la qarşılaşacaq və həlledici görüş 28 mayda Benzemanın vətənində - “Stad de Frans”da keçiriləcək.
