PSJ Mbappenin yerinə kimi alacaq?
ESTAFET/ PSJ hücumçusu Kilian Mbappeyə əvəzləyici axtarışını davam etdirir. “Real”a keçməsi gözlənilən Fransa millisinin üzvünün yerinə alternativlərdən biri də “Benfika”nın forvardı Darvin Nunyesdir.
Ancaq parislilər uruqvaylı forvard uğrunda mübarizədə tək deyil. “Barselona”, “Atletiko” və “Mançester Yunayted” də 23 yaşlı oyunçunun durumunu izləyir. Nunyesin “Benfika” ilə müqaviləsində 150 milyon avroluq sərbəst qalma maddəsi var. Lissabonlular onu aşağı qiymətə satmağa da hazırdır.
Qeyd edək ki, Darvin Nunyes bu mövsüm “Benfika”nın heyətində 41 oyunda 34 qol vurub, 4 assist edib.
