ESTAFET/ “Superliqa deyilən ideya çılğınlıqdır. Onun başlaması futbolun tamamilə məhvi, Avropa idman modelinin sonu demək olardı”.

Bunu UEFA prezidenti Aleksander Çeferin deyib.

Qitə futbol qurumunun rəhbəri 2024/25 mövsümündən yeni formatda keçiriləcək Çempionlar Liqasının Super Liqa ideyasına son qoyacağını düşünür: “Yeni Çempionlar Liqasının yaradılması Super Liqanın tabutuna son mismardır. Ancaq o, bundan çox əvvəl məhkum idi, indi biz bunu tamamilə, birdəfəlik bitirməli idik. Top-klublar öz səviyyəsindəki komandalara qarşı daha çox oyun keçirəcək. Eyni zamanda təvazökar komandalara qarşı da oynayacaqlar. Onlar da həmçinin öz kateqoriyalarında olan klublarla üz-üzə gələcək və pley-offa çıxmaq şansları daha çox olacaq”.

Qeyd edək ki, yeni formata əsasən, Çempionlar Liqasında 36 komanda çıxış edəcək və yarış İsveçrə sisteminə uyğun keçiriləcək. (apasport.az)