ESTAFET/ Kişilərdən ibarət voleybol yığma komandamız bu gün Avropa Liqası çərçivəsində özünün ikinci oyununa çıxıb.

İsveç yığmasına qarşı görüşə Fərid Cəlalovun yetirmələri yaxşı başlayıblar və ilk 2 seti aktivlərinə yazıblar - 25:19 və 25:23. Lakin 3-cü setdə 24:26 hesablı məğlubiyyət görünür komandamıza çox pis təsir edib və acınacaqlı məğlubiyyət qaçılmaz olub. 4-cü seti 25:9 hesabı ilə başa vuran skandinavlar hesabı bərabərləşdiriblər. Yekunda İsveç tay-breyki 15:12, oyunu isə 3:2 hesabı ilə qalib bitiriblər.

Xatırladaq ki, qrupda ilk oyununu Makedoniyaya qarşı keçirən millimiz 0:3 hesabı ilə məğlub olmuşdular.