“Financial Chain Corporation” ("FCHAIN"), gənc və istedadlı gimnast Züleyxa Şabanovanın rəsmi sponsoru olaraq onu 11 yaşı münasibətilə xüsusi görüşlə təbrik edib.

Bu əlamətdar gündə “FCHAIN”in PR meneceri Günel Musa və qrafik dizayner Leyla Qulami Züleyxa ilə görüşərək, ona “FCHAIN” rəhbərliyinin səmimi təbriklərini çatdırıblar.

Gənc istedadların inkişafına daim dəstək olan “FCHAIN” idmanda uğur qazanan gəncləri həvəsləndirməyin vacibliyini anlayır. Züleyxanın gimnastikaya olan sədaqəti, qazandığı nailiyyətlər “FCHAIN” üçün ilhamvericidir və şirkət onun inkişaf yoluna töhfə verməkdən qürur duyur.

Şirkətin İdarəedici Tərəfdaşı Zaur Qədirov “FCHAIN” komandasının adından perspektivli gimnastı 11 yaşı münasibətilə təbrik edərək səmimi arzularını çatdıraraq deyib: “Əziz Züleyxa, gimnastikaya olan sədaqətin və əzmkarlığın həqiqətən ilhamvericidir. Sənin uğur yolunda addımlamağını dəstəkləməkdən qürur duyuruq və gələcək nailiyyətlərini səbirsizliklə gözləyirik. Bu ilin sənə yeni qələbələr, sevinc və sonsuz imkanlar gətirməsini arzu edirik. Ulduzlara doğru irəliləməyə davam et!”.

“FCHAIN” idmanın gələcək nəsilləri formalaşdırmaq gücünə inandığı üçün gənc istedadları dəstəkləməyə davam edəcək.

11 yaşın mübarək, Züleyxa! Bu il sənə daha böyük uğurlar və sevinc gətirsin!