1/8 finalda oğlan komandamızın rəqibi Kosta Rika, qızlarımızın rəqibi isə 1/4 finalda Çin komandasıdır

Serbiyanın Zlatibor şəhərində keçirilən ISF U15 Gimnaziada İdman Oyunlarında 3x3 basketbol idman növü üzrə son qrup oyunları baş tutub. Üçüncü oyun günündə mübarizəyə ilk öncə oğlan komandamız başlayıb. Günün birinci oyununda Zaur Paşayevin başçılıq etdiyi komandamız Kosta Rika komandasını 19-5 hesabı ilə məğlub edib. Sonuncu qrup oyununda da oğlan komandamız Nepal üzərində 18-10 hesablı rahat qələbəyə sevinib. Qızlarımız oyun gününə Çili 2 komandası üzərində 12-1 hesablı qələbə ilə start verib. Son qrup oyununda isə qızlarımızın rəqibi güclü Ukrayna komandası olub. Tatyana Deniskinanın yetirmələri əlavə vaxtın sonunda 16-14 hesabı ilə önəmli qələbə qazanıblar.

Qeyd edək ki, bu nəticələrdən sonra oğlan komandamız qrup ikincisi kimi 1/8 finala, qızlarımız isə qrup dördüncüsü kimi 1/4 finala vəsiqə qazanıb. 11 aprel Bakı vaxtı ilə saat 12:40-da oğlan komandamız Kosta Rika komandası ilə, qızlarımız isə saat 13:20-də Çin komandası ilə qarşılaşacaq.