Fərid Qayıbov UEG prezidenti seçilib
ESTAFET/ Bu gün Xorvatiyanın Split şəhərində Avropa Gimnastika İttifaqının sayca 27-ci Konqresi keçirilib. Burada olimpiya idman növləri işərisində Azərbaycan üçün bir ilk yaşanıb.
Belə ki, Konqres çərçivəsində quruma yeni prezident seçkiləri də keçirilib və Azərbaycan Gimnastika Federasiyasının baş katibi Fərid Qayıbov 28 üzvün səsini qazanmaqla Avropa Gimnastika İttifaqının (UEG) prezidenti seçilib. Azərbaycanlı funksionerin sloveniyalı rəqibi 8 səs az toplayıb.
Qeyd edək ki, 2009-cu ildən Avropa Gimnastika İttifaqına fransalı Jorj Gelzek rəhbərlik edir.
