ESTAFET/ Bu gün Avropanın ən nüfuzlu klub turniri olan UEFA Çempionlar Liqasının 1/4 final mərhələsinin püşkü atılıb. Mübarizəni davam etdirən 8 komanda 4 cütlük təşkil edib.

İsveçrənin Nyon şəhərində keçirilən tədbirdə klubların rəqibləri “kor püşk”lə müəyyənləşib. Püşk İngiltərə klubları “Liverpul”la “Mançester Siti”ni üz-üzə qoyub.

Mərhələ İspaniya – İtaliya duelləri ilə əlamətdar olacaq. “Barselona” “Roma”, “Real” “Yuventus”la görüşəcək. Digər cütdə isə “Bavariya” “Sevilya”nı sınağa çəkəcək.

UEFA Çempionlar Liqası, 2017/18 mövsümü

1/4 final mərhələsinin qarşılaşmaları

“Barselona” (İspaniya) - “Roma” (İtaliya)

“Sevilya” (İspaniya) - “Bavariya” (Almaniya)

“Yuventus” (İtaliya) - “Real” (İspaniya)

“Liverpul” (İngiltərə) - “Mançester Siti” (İngiltərə)

Mərhələnin ilk oyunları 3-4 aprel, cavab matçları ilə 10-11 aprel tarixlərində keçiriləcək.