ESTAFET/ Bu gün keçirilən oyunla futbol üzrə İngiltərə Super Kubokunun qalibi müəyyənləşib. Kubok uğrunda görüşdə Premyer Liqanın sonuncu qalibi “Mançester Siti” ilə İngiltərə Kubokunun sahibi “Çelsi” üz-üzə gəlib.

Londondakı “Uembli” stadionunda keçirilən görüşdə “Mançester Siti” inamlı qələbəyə sevinib. Kun Aquero iki dəfə fərqlənməklə komandasının qələbəsini təmin edib. 

Bununla “Mançester Siti” tarixi ərzində 5-ci dəfə Super Kubokun qalibi olub. Sözügedən klub daha öncə 1937, 1968, 1972 və 2012-ci illərdə Super Kuboka sahib çıxmışdı. Bu göstəricidə rekord “Mançester Yunayted”ə məxsusdu. "Qırmızı şeytanlar" bu Kuboku 21 dəfə qazanıblar.