"Çelsi" "Real"ın futbolçusunu aldı
ESTAFET/ İngiltərənin “Çelsi” klubu heyətini yeni futbolçu ilə gücləndirib. London təmsilçisi İspaniyanın “Real” klubunun xorvatiyalı yarımmüdafiəçisi Mateo Kovaçiçi heyətinə qatıb. Bu barədə klubun rəsmi saytı məlumat yayıb.
“Zadəganlar” xorvatiyalı ulduzu 1 mövsümlük icarəyə götürüb.
2010-cu ildə Zaqreb “Dinamo”sundan “İnter”ə transfer edilən Kovaçiç 2015-ci ildə 31 milyon avroya İtaliya klubunu “Real”a dəyişmişdi. O, La Liqada oynadığı 3 mövsümdə 71 oyuna çıxıb, 1 qol vurub, 7 məhsuldar ötürmə ilə yadda qalıb.
