ESTAFET/ Türkiyənin “Trabzonspor” klubu futbol üzrə Azərbaycan millisinin hücumçusu Ramil Şeydayevlə yollarını ayırıb. Bu barədə Trabzon klubunun rəsmi saytı məlumat yayıb.

Məlumatda bildirilir ki, Qara dəniz təmsilçisi 22 yaşlı hücumçu ilə müqaviləni qarşılıqlı razılaşma əsasında ləğv edib.

“Trabzonspor” Şeydayevə komandada qaldığı və icarəyə verildiyi müddətdə bütövlükdə 370 min avro ödəyib. Onun Türkiyə klubu ilə 2020-ci ilə qədər müqaviləsi mövcud idi.

Qeyd edək ki, Ramil Şeydayev 2016-2017 mövsümündə 170 min avro müqabilində Rusiyanın "Zenit" komandasından "Trabzonspor"a keçmişdi. O, 2017-2018 mövsümünü icarə əsasında "Qarabağ"da keçirib. Ağdam təmsilçisindən öncə isə Ramil Slovakiyanın “Jilina” klubunda icarədə oynayıb. Hər iki halda “Trabzonspor” millimizin üzvünü pulsuz icarəyə verib.