Sablyaçılarımız Dünya Kuboku mərhələsinin şəxsi yarışında iştirak edib
ESTAFET/ Sablya üzrə qadınlardan ibarət yığma komandamızın üzvləri Amerika Birləşmiş Ştatlarının Solt Leyk Siti şəhərində keçilən Dünya Kuboku mərhələsində şəxsi yarışda çıxış edib.
Sablyaçılarımızdan Səbinə Kərimova qrup mərhələsində keçirdiyi 6 görüşdən 4-nü qalib başa vurmaqla pley-offa yüksəlib. 1/32 finalda Macarıstan təmsilçisi Liza Puştayla qarşılaşan Səbinə gərgin mübarizə şəraitində keçən görüşdə rəqibinə 14:15 hesabı ilə uduzub. Sevinc Bünyatova qrupda keçirdiyi 6 görüşdən 3-də,Sevil Bünyatova isə 1-də qalib gələrək pley-offa vəsiqə qazana bilməyib.
