ESTAFET/ İtaliyanın Foggia şəhərində yeniyetmə və gənclərin Avropa birinciliyinə yekun vurulub.

Son yarış günündə Ruslan Həsənov, Xalid Əliyev, Barat Quliyev və Fərrux Səfərovdan ibarət gənc şpaqaçılarımız komanda yarışında qüvvəsini sınayıb. 1/16 finalda Finladiya komandasına 45:37 hesabı ilə qalib gələn təmsilçilərimiz 1/8 finalda fransalı həmkarlarına 20:42 hesabı ilə uduzub. Şpaqaçılarımız 9-12-ci yerlər uğrunda görüşdə Norveçə 34:45 hesabı ilə məğlub olub. 13-14-cü yerlər uğrunda görüşdə Estoniyaya uduzan (34:45) şpaqaçılarımız, 15-ci yer uğrunda görüşdə Böyük Britaniyadan 1 xal geri qalıb (44:45).