"Neftçi" növbəti turun hazırlıqlarına başladı
ESTAFET/ "Neftçi” futbol üzrə Azərbaycan Topaz Premyer Liqasının 24-cü turunda qarşılaşacağı "Səbail”lə oyunun hazırlığına start verib. "Zirə” ilə qarşılaşmadan (4:2) sonra ikigünlük fasiləyə buraxılan komanda bu gün "Türk Hava Yolları Futbol Mərkəzi”ndə məşqə çıxıb. Hazırlıq prosesində toplu çalışmalar və müxtəlif təmrinlər yerinə yetirilib. Məşqə ikitərəfli oyunla yekun vurulub. Hazırlıq sabah bir məşqlə davam edəcək.
Xatırladaq ki, aprelin 14-də "Bayıl Arena”da keçiriləcək "Səbail” – "Neftçi” oyunu saat 18:00-da başlanacaq.
