ESTAFET/ Bakı Şəhər Halqası (BŞH) Əməliyyat Şirkətindən verilən məlumata görə, Sem Smit yarış həftəsonu, şənbə günü Bakıda konsert proqramı ilə çıxış edə bilməyəcək. Ötən həftə Cənubi Afrika turunu yarıda kəsən britaniyalı müğənni konsert proqramlarına qısa fasilə verdikdən sonra tibb mütəxəssislərinin məsləhətinə əsasən növbəti konsert proqramlarını da ləğv etməli olub.

BŞH təəssüf hissi ilə bildiri ki, nəticə etibarilə, Sem Smit bu həftə Bakıda çıxış edə bilməyəcək. Sağlamlığı hər şeydən vacib sayan BŞH musiqiçinin tam sağalması üçün atdığı bu addımı anlayışla qarşılayır və onu dəstəkləyir.

Təbii ki, bu xəbər Sem Smitin Bakıdakı azarkeşlərini məyus edəcək. Buna görə də BŞH bildirir ki, Formula 1 SOCAR Azərbaycan Qran Prisininin hər bir tamaşaçısının möhtəşəm həftəsonu yaşamağını təmin etmək üçün təklif etdiyimiz digər əyləncə proqramları hələ də qüvvədədir.

Sem Smitə şəfalar diləyir və onu tezliklə Bakıda görməyi arzulayırıq.