"Tobol" Emil Balayevi sifariş etdi
ESTAFET/ Azərbaycan millisinin futbolçusu Emil Balayevin çıxış etdiyi Qazaxıstanın "Tobol" klubu Avropa Liqasının I təsnifat mərhələsində Lüksemburq "Jeness"i ilə oyunlar üçün sifariş ərizəsini UEFA-ya təqdim edib. Kostanay təmsilçisi 23 futbolçunu sifariş edib. Siyahıda Emil Balayevin də adı yer alıb.
Komandalar arasında ilk oyun iyulun 11-i Lüksemburqda reallaşacaq. Cavab oyunu isə ayın 18-i Astanadakı "Astana Arena"da baş tutacaq. "Tobol" ev oyununu təmsil etdiyi şəhərdə keçirməyəcək. Bu da Kostanayda hava limanında təmir işlərinin getməsinə görədi.
