ESTAFET/ Nəzərinizə çatdırmaq istərdik ki, Bakı Şəhər Halqası (BŞH) Əməliyyat Şirkətinin 5 illik fəaliyyət münasibətilə yerli əl işi və suvenir istehsalçıları arasında Formula 1 Azərbaycan Qran Prisi 2020-ə dair keçirdiyi müsabiqə yanvarın 31-də başa çatır.

Müsabiqədə 18 yaşa malik hər kəs iştirak edə bilər. İştirakçılar competition@bakugp.az email ünvanına iştiraka maraqlı olduğuna dair məktub yolladıqdan sonra müsabiqəyə müraciət forması əldə edəcəklər. Daha sonra bu forma müvafiq qaydada doldurularaq sözügedən email ünvanına göndərilməlidir.

Müraciət forması əsasında təqdim olunan əl işi və suvenirlər arasından 5 qalib seçiləcək və bu qaliblər həmin əsərləri yarış zamanı BŞH-nin əyləncə mərkəzindəki mağazasında satışa çıxara biləcəklər. Bütün iştirakçılara sertifikatlar təqdim olunacaq.

Suvenir müsabiqəsinə dair daha ətraflı məlumat bu keçiddə: https://www.bakucitycircuit.com/az/news/1006