Həndbolçularımız beynəlxalq turnirin gümüş medallarını qazanıblar
ESTAFET/ Həndbolçularımız Rusiyada keçirilən beynəlxalq turnirdə uğurla çıxış ediblər.
Həştərxan şəhərində ikiqat olimpiya çempionu Vasili Kudinovun xatirəsinə həsr olunan yarışda 2002-2003-cü il təvəllüdlü oğlanlar bacarıqlarını göstəriblər. Azərbaycan seçməsi 6 komandanın qatıldığı turnirdə topladığı 8 xalla ikinci yeri turub. “Moskva-1” komandası 1-ci, “Sankt-Peterburq-1” kollektivi isə 3-cü pillədə qərarlaşıb.
Qeyd edək ki, komandamızın xatirə turnirində iştirakı Monteneqroda keçiriləcək dünya çempionatına hazırlıq məqsədi daşıyır.
