ESTAFET/ Altıqat dünya çempionu Luis Hamilton Böyük Britaniyanın ən varlı idmançısı elan olunub. "Tayms” nəşri Formula 1 komandalarından olan “Mersedes”in pilotunun varidatını 224 milyon funt sterlinqlə dəyərləndirib.

Bu, reytinqin 32 illik tarixinin yeni rekordudur. Bunadək rekord İngiltərə millisinin sabiq futbolçusu Devid Bekhemə məxsus idi. “Mançester Yunayted” və “Real”da parlamış yarımmüdafiəçi 2013-cü ildə 200 milyon funt sterlinqlik varidata malik olub.

Luisin “Mersedes”də maaşı bonuslarla birlikdə 40 milyon funt sterlinq təşkil edib. Komandası ilə müqaviləsi 2020-ci ilin sonunda başa çatacaq son dünya çempionunun karyerasını harada davam etdirəcəyi dəqiqləşməyib.