Avrokubokların hamısı ləğv olundu

ESTAFET/ Basketbol üzrə avrokuboklarda daha üç turnirin taleyinə aydınlıq gəlib. Bu barədə qərarı Beynəlxalq Basketbol Federasiyasının Avropa bölməsi FIBA Avropa verib.

Təşkilat koronavirus pandemiayası üzündən dayandırılan bütün turnirlərdə mövsümü başa çatdırıb. Bununla da kişi və qadınlar arasında FIBA Avropa kuboku, həmçinin qadınların Avroliqa turnirinə yekun vurulub. Hərçənd turnirlərin payızda bərpa olunacağı gözlənilirdi.

Növbəti mövsümün start vaxtı isə dəyişməz qalıb. Avrokuboklar həmişəki kimi sentyabr-oktyabrda başlayacaq.

Qeyd edək ki, FIBA Avropa bir müddət əvvəl digər iki turnir kişilərin Avroliqa və ULEB Avropa kubokunun davam etdirilmədən başa çatdırmışdı.

Müəllif: Məsim MƏSİMZADƏ