ESTAFET/ Bu gün Azərbaycan şahmatçısı Şəhriyar Məmmədyarovun da iştirakı ilə Rumıniyanın paytaxtı Buxarestdə "Grand Chess Tour" seriyasının ilk mərhələsi olan “Superbet Chess Classic” turniri start götürəcək. Şəhriyar ilk turda qara fiqurlarla ABŞ təmsilçisi Uesli So ilə üz-üzə gələcək.

Məmmədyarov və So ilə yanaşı, turnirdə Yan Nepomnyaşi (FIDE), Alireza Firuzca, Maksim Vaşye-Laqrav (hər ikisi Fransa), Levon Aronyan, Fabiano Karuana, Leyner Dominges (hamısı ABŞ) macarıstanlı Rixard Rapport və Boqdan Daniel-Dyak (Rumıniya) mübarizə aparacaqlar.

Dairəvi sistem üzrə 9 turdan ibarət yarış mayın 14-dək davam edəcək. Ümumi mükafat fondu 350 min ABŞ dolları təşkil edir.

Qeyd edək ki, Şəhriyar Məmmədyarov 2021-ci ildə keçirilmiş analoji turnirin qalibi olub.

“Superbet Chess Classic”
I tur
Uesli So (ABŞ) - Şəhriyar Məmmədyarov (Azərbaycan)