Kişilərdən ibarət 3x3 basketbol növü üzrə yığma komandamız 1/4 finalında
5-ci İslam Həmrəylik Oyunlarında "C" qrupunda qərarlaşan millimizin qrupdakı sonuncu rəqibi Mərakeş komandası olub.
Amil Həmzəyev, Zaur Paşayev, Orxan Aydın və Endar Poladxanlıdan ibarət 3x3 basketbol yığmamız, oyuna sürətli başlayıb və yekunda rəqibi üzərində 18-11 hesablı qələbə qazanıb. Qrupu lider tamamlayan millimiz turnirin 1/4 final mərhələsinə vəsiqə qazanıb.
Qeyd edək ki, yığmamızın 1/4 final mərhələsindəki rəqibi İordaniya komandası olacaq.
