Çimərlik futbolu üzrə dünya çempionatının Avropa üzrə əsas seçmə mərhələsinə start verilib

Bu gün azarkeşlər səkkiz qarşılaşmaya şahidlik edib

Belarus 10:2 Türkiyə (D Qrupu)

D qrupunun ilk qarşılaşması Belarusun xeyrinə başa çatıb. Qarşılaşmanın ilk qolu avtoqol kimi yadda qalıb. Belə ki, Türkiyənin futbolçusu Recep Demir rəqibin hücumun qarşısını almağa cəhd edərkən təsadüfən topu öz qapısına göndərib. İkinci qol isə belaruslu Hardzetskidən gəlib, komandalar fasiləyə Belarusun 2:0-lıq üstünlüyü ilə yollanıb.

Fasilədən sonra ikinci hissədə Hardzetski yenidən fərqlənib və daha sonra qapıçı Ustsinoviç rəqib qapısının sol dirəyinə möhtəşəm zərbə endirərək hesabı 4-0 edib. Bundan 20 saniyədən az müddət keçməmiş Brıştsel Belarusun beşinci qoluna imza atıb. İkinci hissə bitənə qədər belaruslular daha iki qolla (Hapon və Brıştsel) fərqlənərək üçüncü hissədən əvvəlki fasiləyə yeddi qolluq üstünlüklə yollanıb.

Türkiyə matçda ilk qolunu üçüncü hissənin əvvəlində vura bildi. Qapıçı Mehmet ustalıqla uzaqdan sol küncdən zərbə endirdikdən sonra Efe Lorenzo topu Belarus millisinin qapısına göndərə bilib. Buna baxmayaraq, Bokaçın iki velosiped zərbəsi və Piatruskinin cərimə zərbəsi Belarusa ilk qarşılaşmada 10:2 hesablı qələbə qazandırıb.

Fransa 5:3 Yunanıstan (C Qrupu)

İlkin seçmə mərhələnin güclü nəticə göstərən komandalarından olan Yunanıstan millisi Fransaya məğlub olub.

Fransa millisindən Bru matçın ilk qolunu vuraraq komandasını önə keçirib və bir neçə dəqiqə sonra Angeletti fərqi ikiqat artırıb. Bununla belə, Yunanıstan hissənin sonunda vəziyyəti öz xeyrinə dəyişərək iki qol atmağa nail oldu. Skurtas fərqləndi və Triantafyllidis topu qapının mərkəzinə vuraraq bərabərliyi təmin etdi. 

Angeletti fasilədən sonra bir daha fərqləndi. Buna cavab olaraq Mikelatos toru silkələyərək hesabı bərabərləşdirdi. Lakin çox keçmədən Angeletti uzaq məsafədən yuxarı sol küncü hədəfləyərək het-trikini tamamladı. Fransa son 12 dəqiqədə üstünlüyünü artırdı, Varrel yaxın dirəyə vurduğu zərbə ilə fransızların yekun qələbəsini təmin edib və C qrupunda fransızlar üçün əla bir başlanğıc etməyə nail olub.

Italiya 3:1 Estoniya (A Qrupu)

İtaliyaya hesabına üç xal yazdırıb

Oyunda ilk qolların vurulması ikinci hissəyə qədər çəkdi və hesabı açan İtaliya oldu. Bununla belə, cəmi 40 saniyə sonra Estoniya millisindən Munskind italyanların toruna dəqiq zərbə endirərək hesabı bərabərləşdirib. Daha sonra İtaliyalı qapıçı Kasapyeri komandasını yenidən önə çıxarmağa nail oldu və oyunun son mərhələsinə 2-1 hesabı ilə öndə yollandı.

Üçüncü hissədə Sciacca rəqib üzərində iki qolluq üstünlüyü təmin etdi, belə ki, onun sağ ayaqlı zərbəsi qapıçının üzərindən torun mərkəzinə doğru yol tapıb.

Polşa 3:2 Litva (B qrupu)

B qrupunun bu matçı son dərəcə rəqabətli şəraitdə keçdi. Hər iki tərəf matçda açılış qolunu vurmaq üçün bütün səylərini ortaya qoymuşdu.

Litva ikinci hissənin əvvəlində demək olar ki, irəlidə idi. Lakin Plytnikasın zərbəsi çarpaz dirəyə dəyərək geri döndü. Bununla belə, hesabı açan polyaklar oldu, kapitan Qac küncdən keçərək uzaqdan akrobatik zərbə endirərək ilk qolu atdı. Təxminən 45 saniyə sonra, Makutunoviçius litvalılar üçün hesabı bərabərləşdirib. Lakin Polşanın 20 nömrəli oyunçusu Gruszevski Gac-a çox oxşar qolla liderliyi bərpa edib.

Qruşevski üçüncü və son hissənin də yeganə qolunu vuraraq, dubla imza atdı və ölkəsində qələbə qazandırdı.

Danimarka 3:2 İsveçrə (D qrupu) - Danimarka qızıl medalçıları geridə qoydu

Günün bəlkə də ən yaddaqalan qarşılaşmasındakı birinci qol İsveçrənin hesabına yazıldı, belə ki, Danimarkalı oyunçu Frandsen qolu dəf etməyə çalışsa da, top qapıçı Madseni keçərək yol tapdı. Açılış vaxtının bitməsinə 30 saniyədən az vaxt qalmış Stankoviç Avropa Oyunlarının qızıl medalçılarının üstünlüyünü ikiqat artırdı.  

Qarşılaşmanın ikinci hissəsində hər iki tərəf qol vura bilmədi və İsveçrə iki qolluq üstünlüyünü oyunun final mərhələsində qoruyub saxlaya bildi.

Oyunun son hissəsi Danimarka komandasının möhtəşəm qayıdışı fonunda keçdi.

Danimarkalı qapıçı Madsen rəqib qapının sağ yuxarı küncünü hədəfləyərək millisini önə çıxardı. Tezliklə (2 dəqiqə keçməmiş) ikinci qolu vuraraq hesabı inanılmaz şəkildə bərabərləşdirdi.

Möhtəşəm geri dönüş vaxtın bitməsinə beş dəqiqədən az bir vaxtda tamamlandı, danimarkalı müdafiəçi Frandsen onların qələbəsini təmin edən axırıncı qola adını yazdırdı.

Portuqaliya 8:6 Almaniya (C qrupu)

Günün ən çox sayda qolun müşahidə oldunduğu matçı

Açılış günü C qrupunda Portuqaliya Almaniya ilə qrupun liderini müəyyənləşdirmək üçün qarşılaşdı.

Hesabı almanlar açdı, Olli ilk hissədə dörd dəqiqədən az vaxtda almanlar üçün çıxılmaz vəziyyətdən çıxdı, lakin Portuqaliya Torres ilə cavab verərək hesabı bərabərləşdirdi.

Ruben Brilhante Portuqaliya komandası üçün ardıcıl olaraq iki sehrli ana imza ataraq onları ilk dəfə irəliyə çıxardı. Buna baxmayaraq, Almaniya millisindən Peterson və Biermann, ikinci hissənin sonunda Almaniyanın 4-3 hesabı ilə liderliyini təmin edə bildi.

Son 12 dəqiqədə Portuqaliya inanılmaz dərəcədə daha beş dəfə, Leo Martinsin dublundan və Koimbra, İordaniya və Pintadonun qollarından sonra toru dörd dəfə silkələdi. Alman millisi Petri və Ollinin sayəsində gözəl qol vursalar da, yekunda qalib gələn Portuqaliya oldu.

Moldova 3:2 Azərbaycan (A qrupu)

Moldovanın Azərbaycan üzərində 3:2 hesablı qələbəsi

Ev sahibi Azərbaycan Moldova ilə qarşılaşdı.

İlk hissədə cərimə zərbəsi nəticəsində hesabda önə keçən Moldova oldu. Turtanın uğurla yerinə yetirdiyi cərimə zərbəsindən sonra qapıçımız Elçin Quliyev amansız zərbəsi ilə rəqibin qapısını nişan alıb hesabı bərabərləşdirdi.

Lakin daha sonra Moldovanın futbolçusu İqnatın zərbəsi sayəsində onlar 2:1 hesabı ilə önə keçməyə nail oldular.  

İkinci hissədə hesab dəyişməz qaldı, Moldova son hissənin axırlarında daha bir qol vuraraq hesab fərqini ikiyə çatdırdı. Bundan üç dəqiqə sonra millimizin futbolçusu Kamran Qürbətovun topu rəqibin torundan məharətlə keçirməsinə baxmayaraq, sonda 3:2 hesabı ilə Moldova hesabına üç xal yazdırdı.

Ukrayna 4:3 İspaniya (B qrupu)

Ukrayna əlavə vaxtda İspaniyaya 4:3 hesabı ilə qalib gəlib.

İspaniya B qrupunda lideri müəyyən etmək üçün Ukrayna ilə qarşılaşıb.

İlk qolu İspaniya komandasından Quisado çarpaz zərbədən sonra öz qapısına vurdu. Daha sonra ukraynalı qapıçı Neruş uzaq məsafədən vurduğu möhtəşəm zərbəsi nəticəsində dörd dəqiqə ərzində hesab fərqini ikiyə çatdırıb. Çox keçmədən ispan futbolçu David vəziyyəti komandasının xeyrinə dəyişərək qola imza atdı. Daha sonra qapıçı Dona ispanların üçüncü qolunu vurdu.

İkinci hissədə fərqi artıra bilən Ukrayna oldu. Voitok yeganə qolun sahibi oldu və hesabı bərabərləşdirdi. (3:3) Üçüncü hissədə heç bir komanda xalq fərqini artıra bilmədi.

Əlavə vaxtda (3 dəqiqə) taleyi həll olunan matçda Ukraynalılar 40-cı saniyədə Voitok sayəsində yekun 4:3 hesabı ilə təcrübəli İspaniya komandası üzərində qələbə çaldılar.

Qeyd edək ki, sabah da seçmə mərhələnin səkkiz matçı keçiriləcək. Millimiz sabah yerli saatla 18:45-də Estoniya millisi ilə qarşılaşacaq.