HEYDƏR ƏLİYEV MƏRKƏZİNİN PARKINDA CÜDO BAYRAMI
ESTAFET/ Bu həftəsonu Heydər Əliyev Mərkəzinin parkında cüdo üzrə dərs və uşaqlar üçün əyləncə təşkil olunub. Heydər Əliyev Mərkəzinin və Azərbaycan Cüdo Federasiyasının birgə təşkilatçılığı ilə keçirilən cüdo üzrə "master klası" Dünya və Avropa çempionu, "Bakı-2017" İslam Həmrəyliyi Oyunlarının qalibi Elxan Məmmədov aparıb. Tədbirə ölkəmizin müxtəlif cüdo klublarından 250 kiçik yaşlı yeniyetmə qatılıb. 8-15 yaş arasında uşaq və yeniyetmələrin qoşulduğu dərs 1 saatdan artıq davam edib.
