Çimərlik voleybolçularımız beynəlxalq yarışda iştirak edəcək
Çimərlik voleybolçularımız Şərqi Avropa Zonal Assosiasiyasının (EEVZA) Kartvela kubokunda mübarizə aparacaqlar. Voleybolçularımız bu gün yarışın keçiriləcəyi Gürcüstanın Tbilisi şəhərinə yola düşüblər.
3-6 avqustda tarixlərində baş tutacaq beynəlxalq turnirdə ölkəmiz həm qadın, həm də kişi voleybolçularla təmsil olunacaq. Belə ki, qonşu ölkənin ev sahibliyi etdiyi yarışda üç qadın, bir kişi cütü iştirak edəcək.
Azərbaycan təmsilçilərindən iki qadın cütü təsnifat mərhələsindən mübarizəyə başlayacaq.
