ESTAFET/ Qadın voleybolçulardan ibarət Polşa millisinin heyəti açıqlanıb. Avro-2017 üçün Polşa millisinin baş məşqçisi Yatsek Navrotski heyətə 14 oyunçu çağırıb.

Təcrübəli məşqçi bildirib ki, Bakı, Göygöl və Tiflisdə keçiriləcək qitə çempionatına hazırlıqları sentyabrın 20-də yekunlaşdıracaqlar və həmin gün paytaxtımıza gələcəklər. Polşa millisi bu tarixədək 2 yoxlama matçı da keçirəcək. Onlar Amsterdam və Rotterdamda Hollandiya yığması ilə 2 dəfə üz-üzə gələcəklər.

Polşa millisinin heyəti:

Toppaylayıcılar: Marlena Pleşnierovij, Yoanna Voloş
Blokçular: Susanna Efimienko-Mlotkovska, Aqnieşka Kakolevska, Maya Tokarska
Hücumçular: Roksana Brzoska, Martina Qrajber, Patrisya Polak, Natalya Murek, Yulia Tvardovska, Monika Bociek, Malvina Smarzek
Liberolar: Aleksandra Krzos, Vitkovska Aqata

Qeyd edək ki, Bakıda keçiriləcək Avro-2017-nin A qrupunda Polşa və Azərbaycanla yanaşı, Almaniya ilə Macarıstan voleybolçuları mübarizə aparacaqlar. Komandamız şərqi avropalılarla sentyabrın 24-də qarşılaşacaqlar.

Mənbə: APASport