Martın 3-dən 6-dək sərbəst və yunan-Roma güləşi üzrə U15 ölkə birinciliyi keçiriləcək.

Bu yarış ilk dəfə Gəncə şəhərində təşkil ediləcək. Gəncə İdman Sarayı ilk dəfə bir güləş yarışına ev sahibliyi edəcək.

Birinciliyi beynəlxalq və milli dərəcəli hakimlər idarə edəcək. Onların arasında Türkiyə və Gürcüstandan dəvət edilmiş hakimlər də yer alacaq.

Yarışın ilk 2 günündə sərbəst, növbəti 2 gündə isə yunan-Roma güləşi üzrə qaliblər müəyyənləşəcək. Milli komandalara seçim xarakteri daşıyan yarışın görüşləri hər gün saat 10:00-da başlanacaq.

Ölkə birinciliyinin proqramı belədir:

3 mart

Sərbəst güləş: 38 kq, 44 kq, 52 kq, 62 kq, 75 kq.

4 mart

Sərbəst güləş: 41 kq, 48 kq, 57 kq, 68 kq, 85 kq.

5 mart

Yunan-Roma güləşi: 38 kq, 44 kq, 52 kq, 62 kq, 75 kq.

6 mart

Yunan-Roma güləşi: 41 kq, 48 kq, 57 kq, 68 kq, 85 kq.