"Formula 1" üzrə Çin Qran-prisində yarışın nəticələrinə əsasən "Ferrari"nin sürücüləri Lyuis Hemilton və Şarl Lekler diskvalifikasiya olunublar.

Formula 1-in mətbuat xidmətinin məlumatına görə:

- Şarl Leklerin avtomobilinin çəkisi texniki qaydalara uyğun gəlmədiyi üçün yarışdan kənarlaşdırılıb.

- Lyuis Hemilton isə bolidinin sürüşmə taxtasının həddindən artıq aşınması səbəbilə diskvalifikasiya edilib.

- Eyni zamanda, "Alpine" komandasının fransız pilotu Pyer Qasli də avtomobilinin çəkisinin uyğun olmaması səbəbindən yarışdan çıxarılıb.

Diskvalifikasiya edilməzdən əvvəl Lekler 5-ci, Hemilton 6-cı, Qasli isə 11-ci yeri tutmuşdu.

Qeyd edək ki, yarışın qalibi "McLaren" komandasının avstraliyalı pilotu Oskar Piastri olub.