ESTAFET/ Artıq mövsümün startı yaxınlaşdıqca komandalardan müəyyən xəbərlər gəlməkdə davam edir. Belə ki, son 4 mövsüm Mühərriklərin yarışında dəyişməz çempion "Mercedes" komandası 2018-ci il çempionatı üçün bolidinin təqdimat tarixini elan edib.

Tarix olaraq 22 fevralı seçən almanlar, məkan olaraq Silverstounu (İngiltərə) seçiblər. Yeni Mercedes F1 W09 EQ Power+ bolidi təqdim olunan kimi də Lyuis Hemilton və Valtteri Bottasın iştirakı ilə əməkdaş və sponsorların çəkilişi üçün trasa çıxacaq. Xatırladaq ki, belə çəkilişlər üçün Pirellinin nümayiş təkərləri ilə 100 km-dək yürüşə icazə verilir. 

Qeyd edək ki, həmin gün Ferrari də komandanın saytında yeni bolidinin virtual təqdimatını edəcək.