ESTAFET/ 17 yaşadək qızlardan ibarət yığmalar arasında Avropa çempionatının elit-raund mərhələsinin VII qrupunda mübarizəyə yekun vurulub. Oyunları Almaniyada keçirilən qrupda son görüşlər baş tutub.

Siyasət Əsgərovun yetirmələri bu gün son oyununda İslandiya ilə qarşılaşıb. İlk iki oyunda Almaniyaya 0:5, İrlandiyaya 0:1 hesabı ilə uduzan komandamız yenə meydanı məğlub tərk edib. Yığmamız elit-raundda ilk qolunu vursa da, qrupu xalsız başa vurub – 1:3.

Qrupun digər oyununda Almaniya ilə İrlandiya qarşılaşıb. Bundestim 2 cavabsız qolla qələbə qazanıb və 1-ci yeri tutub.

U 17 Avropa çempionatı, elit-raund mərhələsi

III tur

28 mart 2018

Azərbaycan – İslandiya  1:3

Qollar: Deli, 60 - Eriksdottir, 8, 36, Cek, 47

Baş hakim: Anastasiya Romanyuk (Ukrayna)

Baş hakimin köməkçiləri: Oleksandra Vdovina (Ukrayna), Anja Klimm (Almaniya)

Dördüncü hakim: Miriam Şveynefuv (Almaniya)

Noybrandenburq. “Neu.sw Stadion”