Futbolun canlı əfsanəsi Meksika klubunda
ESTAFET/ Dieqo Maradonanın məşqçi karyerasını Meksikada davam etdirəcəyi ilə bağlı yayılan məlumat təsdiqini tapıb. Maradona Meksikanın ikinci liqasında çıxış edən “Dorados” klubu ilə müqavilə bağlayıb. Bu barədə məlumatı klubun rəsmi saytı yayıb. Müqavilənin detalları barədə məlumat verilmir.
Maradona may ayında Belarusun “Dinamo" (Brest) klubunun idarə heyətinin sədri təyin olunmuşdu. Ancaq o, uzun müddət idi ki, Belarusa gəlmirdi.
Maradonanın məşqçi kimi son iş yeri Birləşmiş Ərəb Əmirliklərinin “Əl-Fucayra” klubu olub.
