İlk görüş bərabərə bitdi: Məmmədyarov - Aronyan
ESTAFET/ Şahmat üzrə dünya çempionu Maqnus Karlsenin təşkil etdiyi Çempionlar Turunun "New In Chess" adlı V mərhələsində həlledici görüşlərə start verilib.
Azərbaycan şahmatçısı Şəhriyar Məmmədyarov 3-cü yer uğrunda matçda ermənistanlı Levon Aronyanla qarşılaşıb.
Qrossmeysterimiz ilk görüşdən 2:2 (0:1, 1:0, 0:1, 1:0) hesablı heç-heçə ilə ayrılıb. Şahmatçılar arasında ikinci matç yarışın sonuncu günündə - mayın 2-də baş tutacaq.
Qeyd edək ki, mərhələnin qalibi Hikaru Nakamura (ABŞ) – Maqnus Karlsen (Norveç) duelində bəlli olacaq
