İkinci dəfə İslam Həmrəyliyi Oyunlarının qalibi olduğum üçün çox xoşbəxtəm.

Bu sözləri Türkiyənin Konya şəhərində keçirilən V İslam Həmrəyliyi Oyunlarında çəkicatma yarışlarında qızıl medal qazanan atletimiz Anna Skidan deyib.

Bildirib ki, belə imkanı yaratdığı üçün Azərbaycana minnətdaram. Təəssüratlarım çox müsbətdir. Çünki birinci olmaq həmişə xoşdur. Verdiyi dəstəyə görə, komandamıza təşəkkür edirəm. Göstərdiyim nəticəyə görə də məmnunam.

Qeyd edək ki, Oyunlarda 56 ölkədən 4 mindən artıq idmançı medallar uğrunda mübarizə aparır. Oyunlar vaxtı 483 dəst medal sahibini tapacaq.

Beşinci İslam Həmrəyliyi Oyunları 2021-ci ilin sentyabrında keçirilməli idi. Daha sonra pandemiya ilə əlaqədar yarışa hazırlığın tam aparılması üçün oyunların 2022-ci ilə təxirə salınması məqsədəuyğun hesab olundu. İlk dəfə İslam Həmrəyliyi Oyunları Səudiyyə Ərəbistanında keçirilib. Dördüncü İslam Həmrəyliyi Oyunlarına isə Azərbaycan ev sahibliyi edib.

azertag.az