Amit Quluzadə Kosova klubunda
ESTAFET/ “Səbail”dən ayrılan Amit Quluzadənin yeni klubu müəyyənləşib. 25 yaşlı yarımmüdafiəçi karyerasını Kosovoda davam etdirəcək.
Amit bu ölkənin “Drita” klubu ilə anlaşıb. Tərəflər arasında bu gün müqavilə imzalanıb. Klub feysbuk səhifəsi vasitəsilə transferi rəsmən açıqlasa da, sözləşmənin müddəti barədə məlumat verilməyib.
Amit Quluzadə əvvəllər Türkiyə, Portuqaliya və Yunanıstanda da legioner həyatı yaşayıb.
