“Milan” müdafiəçisini “Başakşəhər”ə icarəyə verdi
ESTAFET/ İtaliyanın “Milan” klubunun futbolçusu Leo Duartenin Türkiyə “Başakşəhər”inə keçidi rəsmiləşib. Bunu A seriyası təmsilçisi açıqlayıb.
24 yaşlı braziliyalı müdafiəçi İstanbul klubuna icarə əsasında keçib. O, 2022-ci ilin yayına qədər Türkiyədə çıxış edəcək. Anlaşmaya əsasən “Başakşəhər” sonradan futbolçunu almaq hüququna da malikdir.
Qeyd edək ki, “Milan” Leonu 2019-cu ilin yayında Braziliya “Flamenqo”sundan 10 milyon avroya alıb. O, cari mövsüm A seriyasında 1 matç keçirib.
