ESTAFET/ Azərbaycanın daha iki taekvondoçusu bu gün Meksikanın Qvadalaxara şəhərində keçirilən dünya çempionatında mübarizəyə başlayacaq.

Kişilərin yarışında 68 kq çəki dərəcəsində çıxış edən Cavad Ağayev Tayland təmsilçisi Çayçon Ço ilə üz-üzə gələcək.

Rio-2016 Olimpiya Oyunlarının bürünc mükafatçısı, 49 kq çəkidə çıxış edən Patimat Abakarova yunanıstanlı Nektaria Anastasia Kokosi ilə görüşəcək.

Qeyd edək ki, ötən gün mübarizəyə qoşulan Taleh Süleymanov (87 kq) ilk qarşılaşmasında Serbiyanı təmsil edən Mehdi Xodabaxşiyə məğlub olmuşdu. Xodabaxşi finalda çin təmsilçisini 2:0 hesabı ilə məğlub edərək yekunda Dünya çempionu adını qazanıb. 

Xatırladaq ki, ölkəmiz yarışda 8 taekvondoçu ilə təmsil olunur.