"Lester" 21 yaşlı xorvatı transfer etdi
ESTAFET/ İngiltərənin “Lester Siti” klubu heyətini yeni futbolçu ilə gücləndirib. “Tülkülər” “Dinamo” (Zaqreb) klubundan Filip Benkoviçi transfer edib. 21 yaşlı müdafiəçi ilə 5 illik müqavilə imzalanıb. Bu barədə klubun rəsmi saytı xəbər yayıb.
Premyer Liqa təmsilçisinin xorvatiyalı futbolçu üçün klubuna 13 milyon avro ödəyəcəyi bildirilib.
“Lester”in “Frayburq”un müdafiəçisi Çağlar Söyüncü ilə də razılaşdığı bildirilir. Türk futbolçunun transferinin gün ərzində açıqlanacağı gözlənilir.
