Hakimlər üçün seminar keçirilib
ESTAFET/ Azərbaycan Milli Karate Federasiyasının (AMKF) fəaliyyət proqramına əsasən hakimlərin növbəti seminarı keçirilib.
Federasiyanın Hakimlər komitəsinin sədri, beynəlxalq hakim Cahangir Babayevin idarə etdiyi nəzəri seminarda müxtəlif bölgələrdən 50-dək hakim iştirak edib. Seminarda yarış qaydalarında yeniliklərlə bağlı məlumat verilib, hakimləri maraqlandıran suallar cavablandırılıb.
Seminarda iştirak edən AMKF-in prezidenti Yaşar Bəşirov mütəmadi təşkil edilən belə tədbirlərin hakimlərin inkişafında mühim rolundan danışaraq onlara uğurlar arzulayıb.
